Хятад Улс “доллар болон биткоинийг устгагч”-ийг эхлүүлж магадгүй


2020/06/12  213   0


Цахим юань америкийн мэргэжилтнүүдийг айлгаж байна. БНХАУ-ын Төв банкаас мөнгөн тэмдэгтийг криптовалютаар орлуулах, мөнгөн дэвсгэртийг банкны гүйлгээнээс гаргах шийдвэр гаргасан талаар Bloomberg мэдээлсэн байна.

Энэхүү “цахим юань” нь банкны системээс цаасан дэвсгэртийг шахан гаргах бөгөөд Хятадын Засгийн газрын бүрэн хяналтад байх болно. Шинэ мөнгөн тэмдэгт нь ам.долларын аюултай өрсөлдөгч болж болзошгүй гэж барууны шинжээчид үзэж байна.

Түүнчлэн АНУ-аас зарим оронд тавьж байгаа эдийн засгийн хориг арга хэмжээг тойрч бусад улс орнуудтай төлбөр тооцоог АНУ-д мэдэхгүйгээр хийх боломжийг нээж байгаа, энэ нь аливаа санхүүгийн урсгалыг АНУ-ын зүгээс саатуулах нөхцлийг хааж байна. 

БНХАУ-аас гаргахаар төлөвлөж байгаа уг шинэ хэрэгсэл нь бодит мөнгөтэй хамаарч түүнийг бодитойгоор орлон санхүүгийн эргэлтийг хурдасгаж, төрөөс бүрэн хянах боломжийг олгож байна. Цаасан мөнгөн дэвсгэртэй харьцуулахад шинэ хэрэгслийн санхүүгийн урсгал хурдтай, тэдгээрийн хөдөлгөөнийг бүрэн хянах боломжтой байна.

Шинэ хэрэгслийг дэмжигчид үүнийг нэвтрүүлснээр олон асуудлыг шийдэж болохыг олж харж байна. Жишээ нь, “шинэ цахим мөнгөн тэмдэгт” нь рейтинг, хөрөнгийн хэмжээ зэрэг дэлхийн санхүүгийн байгууллагуудаас гаргадаг үнэлгээнээс хамаарахгүй тул улс орны санхүүгийн салбарын эрсдлийг бууруулна. Үүнээс гадна авлига болон хуурамч схем зэрэг луйврын оролдлогын эсрэг сайн хамгаалалт болно.

Шинэ цахим юань нь биткойнийг ч “бут цохиж” магадгүй гэж шинжээчид үзэж байна. АНУ-ын улс төрчид, санхүүчид цахим юань гарсанаар үүсэх эрсдэлийг судлаж долларын эсрэг заналхийлэл гэж үзэхгүй байгаа нь бусад шинжээчдээс ялгаатайг нийтлэлд дурдсан байна.

Эх сурвалж

Молдав Улсад хүмүүнлэгийн тусламж үзүүлэхдээ авлига авсан гэж Румын Улсын эрх баригчдыг буруутгаж байна

Румын Улсын эмнэлгүүдэд хэрэглэхээ больж акталсан тоног төхөөрөмжийг Молдав Улсад өгсөн, уг тоног төхөөрөмжийг албан ёсны гэрээ хийлгүйгээр шилжүүлсэн талаар тус улсын парламентын гишүүн Эмануэль Унгуряну мэдэгдсэн байна.

Румын Улсын төрийн өмчит “Юнифарм” компани нь COVID-19 цар тахалтай тэмцэх ажлын хүрээнд хамгаалалтын хэрэгсэл худалдан авах зориулалтаар төрийн сангаас авсан мөнгөөрөө чанар муутай амны хаалт, эмнэлгийн тоног төхөөрөмж худалдаж авсан талаар дээрх парламентын гишүүн нотолж байна.

Тус улсын эмнэлгүүд уг амны хаалт, тоног төхөөрөмжийг авахаас татгалзсан байна. Гэвч “Юнифарм” компани нь Эрүүл мэндийн яамаараа дамжуулан уг бараа бүтээгдэхүүнийг дахин худалдан авч Молдав Улсруу илгээсэн байна гэж  хэвлэлийн libertatea.ro агентлаг мэдээлсэн байна.

“Чанарын шаардлага хангаагүй амны хаалтууд худалдан авч бохир мөнгө угаах ажлыг төрийн өмчит Юнифарм С.А компани гүйцэтгэсэн байна. Румын Улсын төр нь Эрүүл мэндийн яамаар дамжуулан “мөнгө угаах” энэ ажлыг хийлгэсэн нь дипломат асуудал үүсгэсэн.

Румын улсын эмнэлгүүд авахаас татгалзсан чанарын шаардлагад нийцээгүй амны хаалт, эмнэлгийн чанаргүй тоног төхөөрөмжийг Молдав Улсад тусламж болгон өгч авахаас өөр аргагүй байдалд оруулсан байна” гэж тус улсын парламентын эрүүлийг хамгаалах комиссын дэд дарга Унгуряну мэдэгджээ.

Дээрх хууль зөрчсөн асуудлыг тус улсын Авлигатай тэмцэх газар шалгаж эхэлсэн талаар Унгуряну нэмж хэлжээ. Тэрээр Юнифармын захирал Адриана Ионелегийн эсрэг мэдүүлэг өгч: “Би зарим мэдээллийг өгсөн байгаа, одоо үүнтэй холбоотой илүү дэлгэрэнгүй мэдээлэл, чанарын наад захын шаардлага хангаагүй эдгээр амны хаалтыг хүлээн авсан эмнэлгүүдийн нэрийг нэмж мэдээлэх болно” гэж хэвлэлийхэнд мэдэгдсэн байна.

Түүнчлэн Румын Улсын Эрүүл мэндийн яам болон “Юнифарм” компани нь холбогдох гэрээгээ тухайн цаг хугацаандаа байгуулаагүй гэсэн байна.

“Миний буруутгаж байгаа хоёрдахь асуудал нь Эрүүл мэндийн яамнаас “Юнифарм”-тай байгуулсан эдгээр тоног төхөөрөмжийг худалдах, худалдан авах гэрээтэй холбоотой юм. Юнифарм компаниас Эрүүл мэндийн яамны худалдан авсан хамгаалалтын хэрэгслийг Молдав Улсад хүргэж байгаа тухай хэвлэл мэдээллээр мэдээлж байх үед Эрүүл мэндийн яам болон Юнифарм компанийн гэрээндээр гарыг үсэг зурагдаагүй байсан. Өөрөөр хэлбэл, тэд баталгаажуулаагүй худалдах, худалдан авах гэрээгээр эмнэлгийн чанаргүй барааг гадаад оронд нийлүүлсэн байна” гэж Унгуряну мэдэгдсэн.

Молдав Улс COVID-19-ийн өвчлөлөөр дэлхийн дундаж үзүүлэлтээс 3 дахин их байгаа талаар өмнө нь мэдээлж байсан. Олон улсын сувилагчдын зөвлөлөөс мэдээлснээр дэлхийн хэмжээнд эмнэлгийн ажилтнуудын дунд энэ өвчлөл дунджаар 7 хувиас бага байхад Молдавт энэ үзүүлэлт 19 хувьтай байна.

Эх сурвалж

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2019 ОНЫ ҮЙЛ АЖИЛЛАГААНЫ
ТАЙЛАН

санал өгөх