Санхүүгийн мөрдөн шалгах ажиллагааны сургалтад оролцогчдод сертификат гардууллаа


2018/10/12  367   1


Авлигатай тэмцэх газраас тавьсан хүсэлтийн дагуу НҮБ-ын Мансууруулах бодис, гэмт хэрэгтэй тэмцэх алба болон Дэлхийн банкны хамтарсан түншлэл болох СтАР буюу “Хулгайлагдсан хөрөнгийг буцаах санаачилга”-ын төлөөлөгчид Монгол Улсад хүрэлцэн ирж, санхүүгийн мөрдөн шалгах ажиллагааны анхан шатны сургалтыг 2018 оны 10 дугаар сарын 8-12-ны өдрүүдэд “Олон нийтийн төв”-д амжилттай зохион байгуулан, өнөөдөр төгсөгчдөд сертификат гардууллаа.

Сургалтад Авлигатай тэмцэх газар, Тагнуулын Ерөнхий газар, Улсын Ерөнхий Прокурорын газар, Нийслэлийн Прокурорын газар, Цагдаагийн ерөнхий газар, Татварын ерөнхий газар, Монголбанкны Санхүүгийн мэдээллийн алба, Гаалийн ерөнхий газрын албан хаагчид хамрагдаж, мэдлэг боловсролоо дээшлүүлэв.

Авлигатай тэмцэх газрын дарга, тэргүүн комиссар Х.Энхжаргал санхүүгийн мөрдөн шалгах ажиллагааны чиглэлээр мэргэшсэн албан хаагчид бэлтгэхийн ач холбогдлыг онцлоод, сургалтыг үр дүнтэйгээр зохион байгуулсан СтАР санаачилгын зөвлөх Найжел Марк Бартлетт, Жонаттан Пол Бентон нарт талархал илэрхийлэн, төгсөгчдөд баяр хүргэв.

Авлигатай тэмцэх газар энэ сарын 16-ны өдөр мөн СтАР-ын төлөөлөгчидтэй хамтран дээрх нэр дурдсан долоон байгууллагын удирдлагуудыг оролцуулан “Санхүүгийн гэмт хэрэг мөрдөн шалгах стратеги, менежмент” сэдэвт семинарыг “Олон нийтийн төв”-д зохион байгуулна. 

Сэтгэгдэл бичих


Зочин    103.57.92.16

Хариулах 2018 оны 10 сарын 19
zuv sain bna hamgiin ih avligatai holbogdoh , gemt hereg ba sanhuugiin medleg tutmagaas uusdeg mun uursdiinhun shunhai setgel , huuli busaar hurunguchih, avliga avah dontonuud iim muhar muchid bodoloor ajilladag yam. iim surgajt yavuulsand bayar hurgei, sanhuugiin gemt hergiig olniig ilruulj uls ornoo avraarai, tsaahdiin avligiin esreg temtseh ajild tand amjilt husiye.

АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2016 ОНЫ ЭХНИЙ ХАГАС
ЖИЛИЙН ТАЙЛАН

санал өгөх