Азийн сангийн суурин төлөөлөгчийг хүлээн авч уулзав


2018/02/05  1940   0


Авлигатай тэмцэх газрын дэд дарга, эрхэлсэн комиссар Ц.Нямдорж Азийн сангийн Монгол Улс дахь суурин төлөөлөгч Марк Кэйнингийг өнөөдөр хүлээн авч уулзав.

Уулзалтын эхэнд Дэд дарга Ц.Нямдорж ноён Марк Кэйнингт суурин төлөөлөгчөөр томилогдсонд баяр хүргэж шинэ ажилд нь амжилт хүсээд Азийн сан нь хэрэгжүүлж буй төсөл хөтөлбөрүүдээрээ дамжуулан Монгол Улсын хөгжил дэвшилд үнэ цэнэтэй хувь нэмэр оруулж ирснийг өндрөөр үнэлж байгаагаа илэрхийллээ.

Суурин төлөөлөгч Марк Кэйнинг “Манай хоёр байгууллага өнгөрсөн хугацаанд авлигаас урьдчилан сэргийлэх, соён гэгээрүүлэх, албан хаагчдын чадавхийг сайжруулах чиглэлээр түлхүү хамтран ажилласан. Манай сан одоо ч авлигатай тэмцэх асуудалд анхааран ажиллаж байна. Бид танай байгууллагатай хамтран анхлан суурийг нь тавьж байсан хувийн хэвшил дахь авлига болон соён гэгээрүүлэх чиглэлд түлхүү анхаарч байна” гээд цаашид ямар чиглэлээр хамтран ажиллах талаар саналаа солилцохыг хүсэв.

Авлигатай тэмцэх газрын дэд дарга, эрхэлсэн комиссар Ц.Нямдорж “Авлигатай тэмцэх үндэсний хөтөлбөрийг үр дүнтэй хэрэгжүүлэх, Олон нийтийн хяналтын дэд зөвлөлийн гишүүдийг сургах, соён гэгээрүүлэх үйл ажиллагааг улам гүнзгийрүүлэх, авлигаас урьдчилан сэргийлэх, хяналт шалгалтын чиглэлээр ажиллаж буй албан хаагчдын чадавхийг дээшлүүлэх зэрэг чиглэлээр хамтран ажиллах боломжтой”-г онцлон тэмдэглээд хоёр талаас ажлын хэсэг байгуулж хамтын ажиллагааны чиглэлээр нарийвчлан тогтох саналаа илэрхийллээ.

Уулзалтад Авлигатай тэмцэх газрын Тамгын хэлтсийн дарга З.Баасанням, Урьдчилан сэргийлэх, соён гэгээрүүлэх хэлтсийн дарга Т.Баярхүү, Азийн сангийн Төрийн албанд засаглал, ил тод байдлыг бэхжүүлэх төслийн менежер А.Баянмөнх нар оролцов.

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2016 ОНЫ ЭХНИЙ ХАГАС
ЖИЛИЙН ТАЙЛАН

санал өгөх