Ажлын хэсэг Газар зохион байгуулалт, геодези, зураг зүйн газарт ажиллаж эхэллээ


2017/03/20  845   0


Авлигатай тэмцэх газрын даргын тушаалаар байгуулагдсан ажлын хэсэг 3 сарын 17-ний өдрөөс эхлэн Газар зохион байгуулалт, геодези, зураг зүйн газарт ажиллаж эхэллээ.

Ажлын хэсгийн ахлагч Хяналт шалгалт, дүн шинжилгээний хэлтсийн Мэдүүлгийн бүрдүүлэлт, дүн шинжилгээний албаны дарга Ц.Цэцэгдэлгэрэхээс удирдамжийн зорилго, чиг үүрэг, хийгдэх ажлын талаар тус Газрын дарга Ц.Ганхүү, дэд дарга А.Батбаяр, Захиргаа, удирдлага хамтын ажиллагааны газрын дарга Р. Ганхуяг зэрэг  тус агентлагийн газар, хэлтсийн удирдлагуудад танилцуулж, авлига, ашиг сонирхлын зөрчлөөс урьдчилан сэргийлэх чиглэлээр  хэрхэн хамтран ажиллах талаар санал солилцсон байна.

Тус газрын удирдлагуудын зүгээс агентлагын үйл ажиллагаа, авч хэрэгжүүлж байгаа арга хэмжээ, өнөөгийн нөхцөл байдал болон цаашид хэрэгжүүлэх ажлын талаар товч танилцуулга хийж, агентлаг дээр ажиллах хугацаанд хамтран ажиллахад бэлэн байгаагаа илэрхийллээ.

Ажлын хэсэг удирдамжинд заасан хугацаанд Барилга, хот байгуулалтын яам болон Газар зохион байгуулалт, геодези, зураг зүйн газар ажиллах Олон нийтийн дэд зөвлөлийн гишүүнээр ажиллах хүсэлтэй иргэдийн материалыг хүлээн авах бөгөөд энэ талаархи мэдээллийг Газар зохион байгуулалт, геодези, зураг зүйн газрын  цахим хуудаст байршуулаад байна.

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2016 ОНЫ ЭХНИЙ ХАГАС
ЖИЛИЙН ТАЙЛАН

санал өгөх