Та Авлигатай тэмцэх газрын гомдол, мэдээлэл хүлээн авах цахим хуудаст холбогдсон байна.

    Та гомдол гаргах, мэдээлэл өгөхөөс өмнө манай газар ямар гэмт хэргийн талаарх гомдол, мэдээллийг хүлээн авдаг талаар анхааралтай уншиж, зааврын дагуу хүснэгтийг бөглөнө үү.

• Цахим шуудан ашиглаж гомдол, мэдээлэл өгөгч та өөрийн ургийн овог, эцэг, /эх/-ийн нэр, өөрийн нэр, иргэний үнэмлэх, регистрийн дугаар, оршин суух хаяг, утасны дугаарыг үнэн зөв бөглөх шаардлагатай. Түүнчлэн бөглөсөн хаяг, утасны дугаараар дуудах, уулзах цагт энэхүү мэдээллийг өгсөн хүн Авлигатай тэмцэх газрын Мөрдөн шалгах хэлтэст ирж мэдээллийн үнэн зөв эсэх талаар хуулийн дагуу тайлбар өгч баталгаажуулах үүрэгтэй.
• Та энэхүү гомдол, мэдээллийн хүснэгтийг хувилан авч шуудангаар болон факсаар ирүүлэх боломжтой.
• Та Авлигатай тэмцэх газарт гомдол, мэдээлэл өгсөн талаараа бусдад хэлж болохгүй бөгөөд мэдээллийн нууцлалыг хангах ёстой. Та бусдад энэ талаар хэлснээр мэдээллийн нууцлал алдагдаж, шалгалтын үр дүнд сөргөөр нөлөөлөх, бусад хүндрэлүүд гарч болзошгүйг анхаарна уу.

Санамж: Хэрэв та хэн нэгнийг гэмт хэрэг үйлдсэн талаар худал мэдээлвэл Монгол Улсын Эрүүгийн хуулийн 252 дугаар зүйлд заасан хариуцлага хүлээж болзошгүйг сануулъя.

Эрүүгийн хуулийн 252 дугаар зүйл: Зориуд худал мэдээлэх

252.1. Хүнийг гэмт хэрэг үйлдсэн гэж зориуд худал мэдээлсэн бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, эсхүл гурваас дээш зургаан сар хүртэл хугацаагаар баривчлах ял шийтгэнэ.

252.2. Энэ хэргийг шунахай болон хувийн сэдэлтээр үйлдсэн, эсхүл хүнийг хүнд, онц хүнд гэмт хэрэгт холбогдуулж буюу яллах нотлох баримтыг хуурамчаар бүрдүүлж мэдээлсэн бол таван жил хүртэл хугацаагаар хорих ял шийтгэнэ.